Van die heel kleintjies in Graad R tot die groot leerders in Graad 7 het almal deelgeneem aan die dag se wateraktiwiteite. Daar was iets vir elke graad- van gladde glybane en waterballone tot ander prettige speletjies wat almal laat lag en saamwerk het.

Die waterspele was 'n uitstekende geleentheid vir leerders om saam te werk, pret te hê en vriendskappe te versterk. Die energie en entoesiasme was aansteeklik, met onderwysers wat met oorgawe gehelp het en leerders wat mekaar aangemoedig het!

Die gees van President Steyn was helder sigbaar - almal het gelag, gespeel en waardevolle herinneringe geskep wat nog lank sal bly!